Julio García Comesaña

Julio García Comesaña
Biografía
Nacemento	1968 (55/56 anos); Vigo, España
Educación	Universidade de Santiago de Compostela
Actividade
Ocupación	político, físico

Julio García Comesaña, nado en Vigo en 1968, é un xestor e político galego, actual conselleiro de Sanidade.

Traxectoria

Licenciouse en Física na Universidade de Santiago de Compostela (1993) coa especialidade de Electrónica e fixo anos máis tarde un mestrado en administración sanitaria.

Comezou a traballar en radiofísica en 1993 no policlínico Povisa de Vigo, despois no hospital Universitari Vall d'Hebron, e finalmente no Hospital do Meixoeiro de Vigo, do que foi director de centro e posteriormente director operativo do hospital (2005-11). En 2013 foi nomeado subdirector xeral de ordenación asistencial e innovación organizativa do SERGAS. Foi director de procesos asistenciais da área sanitaria de Vigo, e en 2018 foi nomeado xerente da área sanitaria de Ourense. En 2019 pasou a ser xerente da área sanitaria de Vigo.^[1]

En setembro de 2020, foi nomeado conselleiro de Sanidade por Alberto Núñez Feijóo.^[2] Nas eleccións ao Parlamento galego de 2024, saíu elixido deputado por Pontevedra.^[3]

Notas

↑ David Lombao (5 de xullo de 2019). "O Sergas envía a Ourense ao xerente da área sanitaria de Vigo, que acumula peticións de dimisión". Praza.
↑ David Reinero (6 de setembro de 2020). "Feijóo muda de conselleiros de Sanidade e Educación en plena pandemia a catro días da volta ás aulas e nomea un vicepresidente económico". Praza.
↑ Cedrón, María; García Calvo, Lorena (19 de febreiro de 2024). "Este es el nuevo Parlamento de Galicia, diputado a diputado". lavozdegalicia.es (en castelán). Consultado o 21 de febreiro de 2024.

Véxase tamén

Outros artigos

Lista de deputados da XII Lexislatura do Parlamento de Galicia

Predecesor:
Jesús Vázquez Almuíña

Conselleiro de Sanidade
2020 - actualidade

Sucesor:
no cargo

[1] David Lombao (5 de xullo de 2019). "O Sergas envía a Ourense ao xerente da área sanitaria de Vigo, que acumula peticións de dimisión". Praza.

[2] David Reinero (6 de setembro de 2020). "Feijóo muda de conselleiros de Sanidade e Educación en plena pandemia a catro días da volta ás aulas e nomea un vicepresidente económico". Praza.

[3] Cedrón, María; García Calvo, Lorena (19 de febreiro de 2024). "Este es el nuevo Parlamento de Galicia, diputado a diputado". lavozdegalicia.es (en castelán). Consultado o 21 de febreiro de 2024.

[1]

[2]

[3]